वाटाड्या

प्रितीच्या या डोहामध्ये
खळ-खळ वाहत होतो
झरा बनून तुझ्या प्रितीचा
तुझ्यापर्यंत होतो

तू होतीस प्रेमाची
वेगळीच एक छाया
तू होतीस जीवनाची
वेगळीच एक माया
       प्रवास होता जीवनाचा
       मी प्रवास पूर्ण जगलो
       बनून वाटाड्या तुझ्यासाठी
       तुझ्यापुरताच उरलो…

तू होतीस डोळ्यामध्ये
साठवलेली धारा
तू होतीस कल्पनेचा
वेगळाच एक वारा
       धारेमध्ये वाऱ्यासंगे
       सत्व विसरून वाहिलो
       बनून वाटाड्या तुझ्यासाठी
       तुझ्यापुरताच राहीलो…

पण प्रवास आला संपत
आता समुद्र समोर आहे
प्रितीच्या या डोहाचे
अस्थित्व संपत आहे
       बनून प्रशांत सागर मी
       सामावून आज गेलो
        बनून वाटाड्या तुझ्यासाठी
       तुझ्यापुरताच राहीलो…


-प्रशांत भोपळे
(Date:४/११/२०१५)



Tag: Romantic Marathi Poem | Kavita | Love | Passion | Radha Krishna |