पहिलं प्रेम

प्रत्तेक भेटीत नव्याने हे
तुझ्यासंगे घडलेलं
पहिलं  प्रेम दरवेळी
तुझ्यावरती जडलेलं……

तुझी चाहूल मनाला या
नव्याने हो लागली
भेट आपली पहिली पहिली
नव्याने ती घडली
       आपल्या प्रेमाचं गुपित जणू
       त्याच भेटीत दडलेला
        पहिलं  प्रेम दरवेळी
       तुझ्यावरती जडलेलं…… ।।१।।

तुझी अदा नाजूक परि
रंग तुझे निराळे
निरनिराळ्या रंगामध्ये
मन तुझे शहाळे
       त्याच मृदू मनामध्ये
       आपलं प्रेम दडलेलं
       पहिलं  प्रेम दरवेळी
       तुझ्यावरती जडलेलं…… ।।२।।

स्वप्न तुझे नवे
आभास तुझा नवा
तू नसताना होतो नेहमी
ध्यास तुझा नवा
       त्या भासा मध्ये तुझी
       चाहूल घेवून नटलेलं
       पहिलं  प्रेम दरवेळी
       तुझ्यावरती जडलेलं…… ।।३।।

चांद राती जेव्हा तुझी
आठवणं मनी मनी येते
चंद्र बनून नभाचा ती
भेट तुझी होते
       त्या भेटीच्या चांदण्यात मन माझ
       चकोर बनून भिजलेलं
       पहिलं  प्रेम दरवेळी
       तुझ्यावरती जडलेलं…… ।।४।।

पहिलं  प्रेम दरवेळी
तुझ्यावरती जडलेलं…… ।

-प्रशांत भोपळे
(Date: ७/१०/२०१५)